An Inspiring Text Message

Minsan, isang mainit na tanghali, nakatanggap ako ng isang text message mula sa isang kaibigan. Sabi sa text, "8 Tips Para Maiba Naman ang Araw Mo". Kalakip ang labis na kasabikang basahin ang text, hindi magkandatuto ang aking mga daliri sa pagpindot ng downward scroll ng aking free cellphone mula sa Globe (to my Globe family, thank you pow!). Going back, tunay akong naaliw sa aking nabasa. Para akong matandang artista na bagong facelift dahil hindi mabakbak ang mga ngiting namumutawi sa aking mga labi. Heto na

1. Sampalin ang unang taong makakasalubong at humingi ng sorry.

2. Uminom ng pampatulog ngunit labanan ito. Mag exercise.

3. Manood ng TV ng nakapikit.

4. Himatayin kunwari sa daan. Tiyaking may tao.

5. Magpakulo ng tubig at paypayan ito para lumamig.

6. Kurutin ang nakababatang kapatid pagkatapos ay unahan mong umiyak.

7. Makipagtitigan sa isda. Huwag tumigil hangga't hindi ito kumukurap.

8. Ibuhos ang 3in1 na kape at saka paghiwahiwalayin ang kape, creamer at asukal.



As usual, I was inspired by these suggestions kaya nakaisip ako ng sarili kong version. Hindi man ako masyadong nasiyahan sa gawa ko, gusto ko pa rin syang ibahagi sa inyong lahat.

1. Awayin ang sarili habang nakaharap sa salamin. Mag-sorry pagkatapos.

2. Pagkatapos mong paghiwahiwalayin ang kape, creamer at asukal ng 3in1 coffee mo, ilagay sa isang tasa, lagyan ng mainit na tubig at saka haluin.

3. Galitin ang aso ng kapitbahay hanggang tumahol ito ng walang humpay. Awayin ang kapitbahay at sabihing masyadong maingay ang aso nila.

4. Bigyan ng pangalan ang bawat bahagi ng katawan mo. Pagkatapos, ipakilala ang mga ito sa isa't isa. Gawin ito sa pampublikong lugar gaya ng Megamall.

5. Magsakitsakitan at magpa-confine sa hospital. Gamitin ang Intelicare card. Libre na ang pagkain, naka aircon ka pa.

6. Imbitahin ang lahat ng kaibigan at kakilala sa isang house party mamayang gabi. Pagkatapos, mag-out of town bago magsimula ang party at patayin ang cellphone.

7. Kumain ng ampalaya at magreklamo na mapait ito.

8. Umutot ng tahimik sa isang pampublikong lugar at tingnan ng masama ang katabi.

Saamat sa walang sawang pagtangkilik!